زۆربەی خانمان لەکاتی دووگیانیدا هەست بە نیشانەی کشانی جەستە دەکەن لەسەر پێستیان، ئەمانە پچڕانی بچوکن لە قوڵایی پێستدا و کاتێک روودەدەن کە پێست لەپڕ دەکشێت، وەکو لەکاتی دووگیانیدا. ئەم پەڵەی کشانە لەسەر پێستی سک، رانەکان یان سنگ دروستدەبێت .
هۆکاری ئەم حاڵەتەش بەرزبوونەوەی هۆرمۆنی کۆرتیزۆڵ و کشانی سکە لەکاتی دووگیانیدا
خانمی دووگیان چۆن خۆی بپارێزێت لەم حاڵەتە؟
- ئاو خواردنەوەی زۆر لەکاتی دووگیانیدا
- بەکارهێنانی شێدارکەرەوەی تایبەت کە زەیتی سروشتی لە پێکهاتەکەیدا هەبێت .
- خواردنی پڕۆتین و ڤایتامین سی و کانزای زینک لەکاتی دووگیانیدا .
- وەرزش و جوڵەی بەردەوام لەکاتی دووگیانیدا بۆ توندبوونەوە و ژیانەوەی پێست لەکاتی دووگیانیدا .
واتە هێشتنەوەی پێست بە شێداری و خواردنی تەندروست بۆ جەستە جیڕیی پێست زیاددەکات و ئەم نیشانانە کەمدەکاتەوە.
ئەم نیشانانە بەشێکن لە سروشتی دووگیانی و دەکرێت بە گرنگیدانی زیاتر بە خۆت کەمبکرێنەوە.
د. سارا ئیسماعیل، پسپۆڕی نەخۆشییەکانی ژنان و منداڵبوون