سندوقی گەڕاندنەوەی سامانی عێراق رایگەیاند، دەستیانگرتووە بەسەر زیاتر لە 500 دۆنم زەویی کشتوکاڵیدا کە بەناوی عەلی حەسەن مەجید و دوو برایەوە تۆمارکراوە، 125 دۆنمیشى دەکەوێتە پارێزگای کەرکوکەوە.
عەباس موتعب شامی، جێگری سەرۆکی ئەنجوومەنی ئیدارەی سندوقەکە، رایگەیاند، زەوییەکەى عەلى حەسەن مەجید وەزیرى پێشووترى بەرگریى عێراق، لە پێنج شوێنی جیاواز بووە و دەستبەسەرداگرتنەکەش بەگوێرەی یاسای ژمارە 72ـی ساڵی 2017ـى دەستبەسەرداگرتنی سامانى گوازراوە و نەگوزراوەى دەسەڵاتى پێشوو بووە.
ئاماژەی بەوەشکردووە، ئەو زەوییانەی دەستیبەسەرداگیراوە، کراوە بە ناوی وەزارەتی داراییەوە.